Ta Tut
Kachin Road Group
24/8/2008
Dai na maga de gaw Miwa Gumsan Mungdan, Beijing mare daju kaba e galaw nga ai Olympics Mungkan ginsup poi kaba ngut kre sai lamang (Closing Ceremony) hpe galaw nga ai lamang ni hpe TV kaw na a hkru lu yu la sai majaw manang ni hpe bai garan gachyan dat ai hku re. Poi galaw ngut ai hku nna manu mana hkyik hkam hkra galaw lai wa sai lam mulu ai hku re. Ka manawt ai lam ni, mahkawn kawn ai lam ni hte wa nam pan (Fire Works) gap gapaw ai lam ni hpe galaw lai wa sai hte sa yu masha Sen kaba nga ai lam ni hpe mu lu ai.
Lamang hta e ka manawt ai lam ni mung Mungkan hta masha ni mau mat na zawn re hkra ka manawt dan ma ai. Bai mahkawn hkawn ai hta mung Miwa hku mahkawn ai rai tim Korea, Japan hte British zawn re ai Mungdan kaba hkan na yu ngwi ning hkring ni mung Miwa hku shang mahkawn ai hpe mu lu ai hku re. Ngai mitsing ai daram nga yang gaw Miwa ga na ming kaba ai Liu Huan, Jackie Chan, Korea na Rain, England na Sarah Brightman hte ming kaba ba re ai ni hkrai grai law hkra lam ma ai.
Ka manawt ai lam hta mung ngai yu yang Hpyen la ni hpe du hkra lang ma ai. Sumri ni rau Bird's Nest National Stadium (U tsip gin sup pa) n tsa hkan e masha ni pyen hkrai pyen nga ai hpe mung mau na zawn mu ai hku re. Masha rau nam pan pu ni hpe mung galaw dan ai lam ni mung lawm ma ai. Miwa ga na ru di a myu sha ni a bu hpun sum li ni hte rau ka manawt ai lam ni hta Jinghpaw Wunpawng myu sha ni a bu hpun mawm sum li ai lam ni hpe mung mu lu ai. Rawang, Ah Zi, Li Su ni hpe mung mu lu ai hku re.
Poi lamang hta Olympics ginsup labau hta ming kaba dik gin sup hpan Marathun gat shing jawng ai lam hta nambat lu ai ni hpe poi yu masha Sen kaba a man e kum hpa jaw lai wa ai hpe mung mu lu ai. Marathun gat shing jawng ai gin sup hpan gaw Olympics labau hta labau shang gin sup hpan kaba langai mi rai nga ai hpe mung chye lu ai.
Dai hpang gaw Olympics a ning baw hte Miwa Gumsan Mungdan a ning baw yan kaw na sha kram ga ni hpe shaga let 2012 hta Olympic bai ang ai Mungdan rai nga ai United Kingdom of Great Britain a Mungdan dawng hkawn hpe shalun ai hku re. Dai hpang Olympic dawng hkawn hpe shayu let Beijing Mare up wa hku nna dawng hkawn hpe Olympic ning baw wa hpang de bai n htang jaw ai hku re.
Dai hte Olympic ning baw wa gaw 2012 ning hta Olympic galaw na rai nga ai London mare kaba a mare up wa hpe Olympic dawng hkawn up ya ai lam ni galaw ma ai hku re. Ndai zawn galaw ngut ai hte gaw London mare kaba a nga sat nga sa lam ni hpe ka manawt hpung ni hku nna hkrang shala let Landon mare kaba hta na masha htaw maw daw Bus lahkawng htap re ai mawdaw gaw gin sup pa hpe shing grup ai hku re.
Dai Bus kaw nna English yu ngwi ning hkring langai mi pru wa nhtawm mahkawn hkawn dan ai hte English gaw din ning hkring kaba David Beckham kaw na gaw din hpe poi yu masha ni hpang de htawng ya ai hte England a ming kaba dik gin sup hpan hpe madun dan ai hku re. Ndai zawn rai 2012 ning hta mung Landon hta Olympic poi kaba langai mi bin hkra galaw wa na re lam hpe hkrang shala dan ai hku re.
Dai hpang e gaw Beijing mare kaba National Stidum Bird's Nest gin sup hpa kaba e lai wa sai August 8 ya shani shatu tawn da ai Olympic wan shanan kaba hpe wan sat ai lam ga law ai hte mahkawn ni hkawn, ka ai ni gaw ka, wan pan ni gap kapaw ai hte poi hpe wu wu di di rai shangut la masai hku re. Ndai poi hpe nlu yu dat ai manang ni a matu sumla n kau mi hpe lawu e madun da ai hku re.
Kachin Road Group
24/8/2008
Dai na maga de gaw Miwa Gumsan Mungdan, Beijing mare daju kaba e galaw nga ai Olympics Mungkan ginsup poi kaba ngut kre sai lamang (Closing Ceremony) hpe galaw nga ai lamang ni hpe TV kaw na a hkru lu yu la sai majaw manang ni hpe bai garan gachyan dat ai hku re. Poi galaw ngut ai hku nna manu mana hkyik hkam hkra galaw lai wa sai lam mulu ai hku re. Ka manawt ai lam ni, mahkawn kawn ai lam ni hte wa nam pan (Fire Works) gap gapaw ai lam ni hpe galaw lai wa sai hte sa yu masha Sen kaba nga ai lam ni hpe mu lu ai.
Lamang hta e ka manawt ai lam ni mung Mungkan hta masha ni mau mat na zawn re hkra ka manawt dan ma ai. Bai mahkawn hkawn ai hta mung Miwa hku mahkawn ai rai tim Korea, Japan hte British zawn re ai Mungdan kaba hkan na yu ngwi ning hkring ni mung Miwa hku shang mahkawn ai hpe mu lu ai hku re. Ngai mitsing ai daram nga yang gaw Miwa ga na ming kaba ai Liu Huan, Jackie Chan, Korea na Rain, England na Sarah Brightman hte ming kaba ba re ai ni hkrai grai law hkra lam ma ai.
Ka manawt ai lam hta mung ngai yu yang Hpyen la ni hpe du hkra lang ma ai. Sumri ni rau Bird's Nest National Stadium (U tsip gin sup pa) n tsa hkan e masha ni pyen hkrai pyen nga ai hpe mung mau na zawn mu ai hku re. Masha rau nam pan pu ni hpe mung galaw dan ai lam ni mung lawm ma ai. Miwa ga na ru di a myu sha ni a bu hpun sum li ni hte rau ka manawt ai lam ni hta Jinghpaw Wunpawng myu sha ni a bu hpun mawm sum li ai lam ni hpe mung mu lu ai. Rawang, Ah Zi, Li Su ni hpe mung mu lu ai hku re.
Poi lamang hta Olympics ginsup labau hta ming kaba dik gin sup hpan Marathun gat shing jawng ai lam hta nambat lu ai ni hpe poi yu masha Sen kaba a man e kum hpa jaw lai wa ai hpe mung mu lu ai. Marathun gat shing jawng ai gin sup hpan gaw Olympics labau hta labau shang gin sup hpan kaba langai mi rai nga ai hpe mung chye lu ai.
Dai hpang gaw Olympics a ning baw hte Miwa Gumsan Mungdan a ning baw yan kaw na sha kram ga ni hpe shaga let 2012 hta Olympic bai ang ai Mungdan rai nga ai United Kingdom of Great Britain a Mungdan dawng hkawn hpe shalun ai hku re. Dai hpang Olympic dawng hkawn hpe shayu let Beijing Mare up wa hku nna dawng hkawn hpe Olympic ning baw wa hpang de bai n htang jaw ai hku re.
Dai hte Olympic ning baw wa gaw 2012 ning hta Olympic galaw na rai nga ai London mare kaba a mare up wa hpe Olympic dawng hkawn up ya ai lam ni galaw ma ai hku re. Ndai zawn galaw ngut ai hte gaw London mare kaba a nga sat nga sa lam ni hpe ka manawt hpung ni hku nna hkrang shala let Landon mare kaba hta na masha htaw maw daw Bus lahkawng htap re ai mawdaw gaw gin sup pa hpe shing grup ai hku re.
Dai Bus kaw nna English yu ngwi ning hkring langai mi pru wa nhtawm mahkawn hkawn dan ai hte English gaw din ning hkring kaba David Beckham kaw na gaw din hpe poi yu masha ni hpang de htawng ya ai hte England a ming kaba dik gin sup hpan hpe madun dan ai hku re. Ndai zawn rai 2012 ning hta mung Landon hta Olympic poi kaba langai mi bin hkra galaw wa na re lam hpe hkrang shala dan ai hku re.
Dai hpang e gaw Beijing mare kaba National Stidum Bird's Nest gin sup hpa kaba e lai wa sai August 8 ya shani shatu tawn da ai Olympic wan shanan kaba hpe wan sat ai lam ga law ai hte mahkawn ni hkawn, ka ai ni gaw ka, wan pan ni gap kapaw ai hte poi hpe wu wu di di rai shangut la masai hku re. Ndai poi hpe nlu yu dat ai manang ni a matu sumla n kau mi hpe lawu e madun da ai hku re.
