Lam tai lu hkra

Kachin Road
Kachin Road Group
7/8/2008

Mungkan ga e Lam ngu ai n nga yang gara de mung n mai sa na re.
Gara shara kaw mi rai yan rai Lam ngu ai gaw nga ra ai sa re.
Nang du mayu ai sha ra de lu du hkra Lam ngu ai gaw a hkyak nga ai.
Lam n nga yang lam dam ai ngu ai ga pyi n nga na hku re.

Myu sha langai mi lawt lu na matu Lam gaw a hkyak nga ai.
Nang gade wa mi bin yang bin lam n nga yang gaw n lu mai nga ai.
An-hte Wunpawng sha ni a matu Lam gaw gara rai nga ai kun?
Nang ngai yang lawt lu na lam a Lam lu tai hkra shakut ga.

Matut Hti Na...

Hti Ngut Sai...

Mau Nga N Ngai

Mau nga n ngai

Ngai galaw ai ngai jaw ai

Myu a matu rai sai

Hpa majaw shut ai

Mau nga n ngai

Ngai hkawm ai lam ngai jaw ai

Myu a matu rai sai

Hpa majaw shut ai

Mau nga n ngai

Ngai n pu n ba shawng de hkawm ai

Myu a matu rai sai

Hpa majaw shut ai

Mau nga n ngai

Ngai n hkrit n tsang hpyen kasat ai

Myu a matu rai sai

Hpa majaw shut ai

Mau nga n ngai

Ngai dum n ta hte tsan gang ai

Myu a matu rai sai

Hpa majaw shut ai

Mau nga n ngai

Ngai garen gari rai nga ai

Myu a matu rai sai

Hpa majaw shut ai

Mau nga n ngai

Myit sum ru let

Matut mau nga n ngai

Prat Dep Ai Jinghpaw Wunpawng Mungdan De......

Ta Tut

Matut Hti Na...

Hti Ngut Sai...

Hpawt Ni Du Hkra

Rai Hkum Ba Shi Yaw Wa

Wa hpe shut hpyit ai lam ni yawng hpe mara raw kau ya let,

An-nau ni hpe naw lam madun la rit

Hpawt Ni Du Hkra...

Ta Tut

Matut Hti Na...

Hti Ngut Sai...

Nu jaw da ai an-nau ni a hkrin htawng

Nu jaw da ai ga kata na lung seng

Nu jaw da ai hka kata na ja

Nu jaw da ai maling kata na hpun

Nu jaw da ai ga kata na ga sau
.

An-nau ni n gawn n sawn di hkrup sai le nu

An-nau ni ja bum n tsa hta matsan nga ai le nu

An-nau ni n ta hta maigan wa up sha nga ai le nu

An-nau ni maigan wa a mayam tai wa nga ai le nu
.

Nu sha myit hprang ra sai

Nu sha ni myit hkrum ra sai

Nu sha lawt lu hkra sha kut ra sai

Nu sha chye na sai
.

Nu jaw da ai a tsam marai

Nu jaw da ai nyan hpaji

Nu jaw da ai hpu nau ni

Nu jaw da ai ja lung seng ni hte......

.

Prat Dep Ai Jinghpaw Wunpawng Mungdan De......

.

Ta Tut(T2)

Matut Hti Na...

Hti Ngut Sai...

Ngai Kan Ni Ya!

Bawnu kata hta hka gahtet jaw bang

.

Myi kata hta pat chyen ga rawng

.

Shan kata hta yu hkawm

.

Baw kaw na lagaw du hkra

.

Makret makrat nga

.

Hpa sha myit tim n ji n gu

.

Gwi sha mu yang pi htawng mayu

.

Palawng mung ma

.

Labu mung ma

.

Nu yan wa a hkrin htawng mung ma

.

Nye sha kanu mung hprawng

.

Ma yan nau ni mung hprawng

.

Ngai hkrai wam dam

.

Shawng lam ngai n chye

.

Hpang lam ngai n dum

.

Aww... Nye prat nye prat...

.
Prat Dep Ai Jinghpaw Wunpawng Mungdan De......
.

Chye ju dum let

Ta Tut (T2)

Matut Hti Na...

Hti Ngut Sai...

Tsit Tsawm Mungdan Hte Hkun Hkraw Mungdan

Htaw Bum de yu

Mahkup saiwan kaup ai nam hpun hpe yu

.

Htaw layang de yu

Du sat yam nga hkum sum hpa hpe yu

.

Htaw hka de yu

San tsawm mali hka nu hpe yu

.

Htaw mare de yu

Manyi sum sai Wunpawng myu sha hpe yu

.

Htaw ra tsit tsawm Mungdan hta

Nye a dai daw buga nga

.

Htaw ra tsit tsawm Mungdan hta

Nye a amyu sha ni nga

.

Htaw ra tsit tsawm Mungdan hta

Nye a chying hkai nu yan wa nga

.

Htaw ra tsit tsawm Mungdan hta

Nye a shayi tsawm hkawn nga

.

Ndai tsi tsawm Mungdan gaw an-hte Wunpawng Mungdan rai.

.

.

Rai tim---------------------------

.

.

Htaw Bum de yu

Bum krin hpun jahkraw sha mu

.

Htaw layang de yu

A krin a pran zai bru jang sha mu

.

Htaw hka de yu

A mut a mat mali hka hte ja htu jak sha mu

.

Htaw mare de yu

A tsit a chyang Myen hpyen la sha mu

.

Htaw ra hkun hkraw Mungdan hpe

Dai daw buga n kam ngu

.

Htaw ra hkun hkraw Mungdan hta

Tsit chyang amyu sha n kam mu

.

Htaw ra hkun hkraw Mungdan hta

Nye nu yan wa n kam nga

.

Htaw ra hkun hkraw Mungdan hta

Miwa jan ni Wunpawng shayi

.

N-dai hkun hkraw mungdan gaw Wunpawng Mungdan n-tai u ga law...

.

.

Prat dep ai Jinghpaw Wunpawng Mungdan de......

.

Chye ju dum let

Ta Tut (T2)

Matut Hti Na...

Hti Ngut Sai...