Ta Tut
Kachin Road Group
25/8/2008
National League for Democracy (NLD) na Nyan Win wa gaw Mr. Gambari ndai kalang Myen Mung de du sa wa ai lam gaw laban du da kau ai ga re nga tsun ding lun dat ai lam BBC shiga kawn chye lu ai. Nyan Win wa gaw Mr. Gambari gaw Myen Asuya hpe Democracy lu hkra galaw ai lam hta hpa mung dang du hkra n lu galaw ai hte Hpyen Asuya a lamang hte maren 2010 ning hta galaw na ra lata poi hpe she grau n gun jaw nga ai nga kahtap tsun ding lun da ai hpe mu lu ai. Ndai zawn laban sa sa wa wa re ai gaw a ten majoi jahtum ai ga re nga NLD hpung kata hta tsun gabrawng nga ma ai.
Mr Gambari Yangon e nta hta shareng da hkrum ai NLD ning baw Jan Aung San Suu Kyi hte hkrum na matu lajin ai shaloi Jan Aung San Sukyi hku nna ning dang kau ai hkrum ai hku re. Dai majaw
Jan Aung San Suu Kyi hku nna UN a Myen Mung hte seng ai tek jum hparan ai lam hpe n gun n lu ai lam madun dat ai hku re. Dai sha n ga n dai kalang Gambari wa Myen Mung de du ai shaloi Mare daju rai nga ai Nay Pyi Taw de na saw shaga ai lam ni mung n lu la ai hte Myen Hpyen Jau bu kaba Senior General Than Shwe hte mung n lu hkrum da ai hpe mu lu ai.
Ndai lam ni hpe yu yang Gambari gaw shi a lata hta nga ai a hkaw a hkang yawng htum mat sai hte shaning lahkawng ning du hkra bung li shakut tim hpa mung hkang n hkang ai kaw ngut kre ra ai lam de du wa ai hku re. Ndai hta NLD ni hku nna gaw Mr Gambari gaw Hpyen Asuya a ra sharawng ai hku 2010 ning na ra lata poi hpe she grau n gun jaw let Asuya hpe madi shadaw ai lam ni grau law nga ai nga stun mara sha gun da ai lam ni mu lu ai.
"Mr Gambari gaw Asuya a ra sharawng ai 2010 ning na ra lata poi hte seng nna kachyi mi mung n mai jahta ai hku re. Hpa majaw nga yang NLD gaw Asuya a kam ai hku ka da ai Mungdan gaw da tara hpe n hkap la lu ai majaw re" nga tsun wa ai hku re. "UN na dat kasa wa Mr Gambari gaw manu dan ai a ten ni hpe laban jahtum nga ai hte maren shi galaw ai lam ni mung langai mi mung hkang n hkang nga ai" nga matut manoi kahtap tsun ai hku re.
Mr Gambari a kru ya Myen Mung de du ai a ten hta NLD na ning baw n kau mi hte Myen Mung a Prime Minister Thein Sein ni hpe hkrum zup let tsun jahta ai lam in galaw lai wa sai hpe yawng chye na sai. Rai tim Mung masa yu gawn ai ni gaw "Ndai hkrum zup ai lam in hta hpa mung a kyu pru ai lam nnga ai" nga tsun wa ai hku re.
NLD gaw 1990 ning hta Asuya kawn galaw ai ra lata poi kaba hta dang ai rai tim Asuya galaw ai ni Mungdan Up a hkang a ya hpe n up ai sha NLD ning baw law law hpe htawng rim bang ai lam in galaw lai wa sai hku re. Ndai hta lai wa sai Mungdan gaw da tara ra lata poi hta lu la ai mahtai hte maren Mungdan Parliament hta Hpyen dap a matu shara 25% lu la hkra sha atik a nang shakut nga ai hpe mu lu ai. Bai Jan Aung San Suu Kyi hpe mung nta hta shareng da ai a ten laning mi bai jat da ai lam mu lu ai.
Kachin Road Group
25/8/2008
National League for Democracy (NLD) na Nyan Win wa gaw Mr. Gambari ndai kalang Myen Mung de du sa wa ai lam gaw laban du da kau ai ga re nga tsun ding lun dat ai lam BBC shiga kawn chye lu ai. Nyan Win wa gaw Mr. Gambari gaw Myen Asuya hpe Democracy lu hkra galaw ai lam hta hpa mung dang du hkra n lu galaw ai hte Hpyen Asuya a lamang hte maren 2010 ning hta galaw na ra lata poi hpe she grau n gun jaw nga ai nga kahtap tsun ding lun da ai hpe mu lu ai. Ndai zawn laban sa sa wa wa re ai gaw a ten majoi jahtum ai ga re nga NLD hpung kata hta tsun gabrawng nga ma ai.Mr Gambari Yangon e nta hta shareng da hkrum ai NLD ning baw Jan Aung San Suu Kyi hte hkrum na matu lajin ai shaloi Jan Aung San Sukyi hku nna ning dang kau ai hkrum ai hku re. Dai majaw
Jan Aung San Suu Kyi hku nna UN a Myen Mung hte seng ai tek jum hparan ai lam hpe n gun n lu ai lam madun dat ai hku re. Dai sha n ga n dai kalang Gambari wa Myen Mung de du ai shaloi Mare daju rai nga ai Nay Pyi Taw de na saw shaga ai lam ni mung n lu la ai hte Myen Hpyen Jau bu kaba Senior General Than Shwe hte mung n lu hkrum da ai hpe mu lu ai.Ndai lam ni hpe yu yang Gambari gaw shi a lata hta nga ai a hkaw a hkang yawng htum mat sai hte shaning lahkawng ning du hkra bung li shakut tim hpa mung hkang n hkang ai kaw ngut kre ra ai lam de du wa ai hku re. Ndai hta NLD ni hku nna gaw Mr Gambari gaw Hpyen Asuya a ra sharawng ai hku 2010 ning na ra lata poi hpe she grau n gun jaw let Asuya hpe madi shadaw ai lam ni grau law nga ai nga stun mara sha gun da ai lam ni mu lu ai.
"Mr Gambari gaw Asuya a ra sharawng ai 2010 ning na ra lata poi hte seng nna kachyi mi mung n mai jahta ai hku re. Hpa majaw nga yang NLD gaw Asuya a kam ai hku ka da ai Mungdan gaw da tara hpe n hkap la lu ai majaw re" nga tsun wa ai hku re. "UN na dat kasa wa Mr Gambari gaw manu dan ai a ten ni hpe laban jahtum nga ai hte maren shi galaw ai lam ni mung langai mi mung hkang n hkang nga ai" nga matut manoi kahtap tsun ai hku re.
Mr Gambari a kru ya Myen Mung de du ai a ten hta NLD na ning baw n kau mi hte Myen Mung a Prime Minister Thein Sein ni hpe hkrum zup let tsun jahta ai lam in galaw lai wa sai hpe yawng chye na sai. Rai tim Mung masa yu gawn ai ni gaw "Ndai hkrum zup ai lam in hta hpa mung a kyu pru ai lam nnga ai" nga tsun wa ai hku re.
NLD gaw 1990 ning hta Asuya kawn galaw ai ra lata poi kaba hta dang ai rai tim Asuya galaw ai ni Mungdan Up a hkang a ya hpe n up ai sha NLD ning baw law law hpe htawng rim bang ai lam in galaw lai wa sai hku re. Ndai hta lai wa sai Mungdan gaw da tara ra lata poi hta lu la ai mahtai hte maren Mungdan Parliament hta Hpyen dap a matu shara 25% lu la hkra sha atik a nang shakut nga ai hpe mu lu ai. Bai Jan Aung San Suu Kyi hpe mung nta hta shareng da ai a ten laning mi bai jat da ai lam mu lu ai.
