Monday 15 December 2008

LAIZA RAMMA NI A MAGAM !!!!!




LaiZa ramma ni a magam bungli langai mi hpe a rawng la,
n gun jaw lu u ga n dau
shabra dat ai law




Matut Hti Na...

Tuesday 16 September 2008

To back up Blog

Laika ngau ni hpe Ta Tut (http://tatut.talkmeblog.com/) hta shang hti na matu tsaw lajin dat ai. Ndai blog a Admin wa a E-mail Account hpe heck katut ai majaw hpang de n dai blog hta laika ngau ni hpe mara na matu loi li yak hkak mat sana re majaw ya na zawn n dau dat ai re lam shana dat ai.

Admin's E-mail Account have been heck and the passwords for this blog has been change. If you still want to read articles from Ta Tut, the main writer of this blog, please visit our back up blog Ta Tut (http://tatut.talkmeblog.com/). Visit (http://shanglawt.blogspot.com/) for the update news. Thank you very much for you visiting.

here is the rest of post

Matut Hti Na...

Monday 15 September 2008

Chyu rum hte Dai rum

Ta Tut
Kachin Road Group
15/9/2008

An-hte Jinghpaw Wunpawng sha ni gaw an-hte a kahpu kanau daw ang ai lam ni hpe tsun yang Chyu rum Wunpawng sha ni nga tsun tsun re ai hpe mu lu ai. Ndai lam hte seng nna la chyum hpe a tsawm sha myit yu yang grai lachyum kaba ai hpe mu lu ai majaw n dai laika ngau hpe ka dat ai hku re.

An-hte ni yawng myit yu ga. Chyu rum an nau ni kun shing n rai Dai rum an nau ni kun? Lai wa sai 1995 ning hta sadung ga e rawtmalan manau dum ai shaloi dai manau hpe Dai rum manau ngu shaming lai wa sai hku re. Ndai zawn dai rum manau ngu shaming ai gaw an-hte Jinghpaw Wunpawng sha ni gaw chyu sha rum ai ni n re ai sha shadai rum ai kanu langai a kasha ni re ai lam hpe madun mayu ai majaw re lam chye lu ai hku re.

Chyu rum ai gaw masha wa a kasha (Maigan a myu sha) hpe mung chyu shajaw ya yang gaw chyu rum ai ga rai sai hku re. Rai tim Dai rum ngu tsun dat ai hte shadai rum let kanu langai kaw na sha shangai pru wa ai kahpu kanau majing ni re ai hpe tsun mayu ai hku re. Dai majaw an-hte Dai rum jinghpaw Wunpawng sha ni gaw shada da galoi mung garum hkat ra ai. Myit hkrum let maigan wa hpe ti nang a mungdan kaw na lawan ai hku gau kau ra. Ti nang a kanu mungdan hpe masha wa a lata de gaw n mai bang kau na re ngu......

Matut Hti Na...

Sunday 7 September 2008

Lam tai lu hkra

Kachin Road
Kachin Road Group
7/8/2008

Mungkan ga e Lam ngu ai n nga yang gara de mung n mai sa na re.
Gara shara kaw mi rai yan rai Lam ngu ai gaw nga ra ai sa re.
Nang du mayu ai sha ra de lu du hkra Lam ngu ai gaw a hkyak nga ai.
Lam n nga yang lam dam ai ngu ai ga pyi n nga na hku re.

Myu sha langai mi lawt lu na matu Lam gaw a hkyak nga ai.
Nang gade wa mi bin yang bin lam n nga yang gaw n lu mai nga ai.
An-hte Wunpawng sha ni a matu Lam gaw gara rai nga ai kun?
Nang ngai yang lawt lu na lam a Lam lu tai hkra shakut ga.

Matut Hti Na...

Thursday 4 September 2008

Laiza e n nang nawn bai bin nga

Ta Tut
Kachin Road Blog
4/9/2008

Laiza hte Miwa mung hkan e mani sha mung n nang nawn 3 lang bai bin lai wa sai lam Laiza buga masha ni kawn chye lu ai. Ndai zawn bin ai hta hkala hkrum ai lam ni gaw n nga ai lam chye lu ai. Ndai laman Miwa mung hkan e mung n nang nawn ni bai bin bin rai nga ai hte masha ni mung hkala hkrum nga ai lam chye lu ai.

Sichuan e bin lai wa sai n nang nawn kaba ngut ai hpang n dai zawn matut manoi n nang nawn bin nga ai hku re. N dai Miwa mung na n nang nawn a majaw Jinghpaw Mung Laiza zawn re ai ga jarit hkan e mung n dai laman n nang nawn hkrai bin nga ai lam chye lu ai. N dai n nang nawn n gun ja wa na hpe up hkang du ni tsang nga ma ai lam chye lu ai.

Matut Hti Na...

Template by - Abdul Munir | Daya Earth Blogger Template