Loi mi hpang hkrat tim shiga re ngu shapoi dat ai law. An-hte Singapore nga Jinghpaw Wunpawng Hkalup hpung ni hku na bat shagu galaw nga ai kyu hpyi hpawng hpe mana de bai lu galaw shakre la sai lam yawng hpe shana dat ai.
Ndai bat gaw Tingnyang e gaw Shadang Dahkum Hpung Ram hku na woi awn let Mungga gaw Sara K.D Awng Nan (Mo Gawng Jinghpaw Wunpawng Hkalup Hpung) hku nna we nyi n gun jaw ai hku re. Ndai hpawng hta Malaysia kaw na Hpung Sara Num ni mung wa du shang lawm ai hku re. An-hte SKCF hpe mung n gun ga sa jaw satsam da ya ai majaw grai chye ju dum ai hku re.
Ndai bat na shana ra ai lam ni hta, du na laban (6) ya shana hta Slg. Seng Tu hte Jan Bawm Sawng yan a dum nta nnan chyeju shakawn ai lamang hpe galaw na lam hta sa du shang lam na matu saw lajin dat ai lam hte hkring dat gaw BLK 668C, #06-152, Jurong West Street, Boonlay MRT na Bus Interchange Exit maga de ang na hku re. Ndai lam hte seng na kata lam chye mayu yang Contact no. Slg. Seng Tu- 92350403, Jan Bawm Sawng- 93886289 de matut mahkai la mai ai lam shana dat ai.
Hpang na bat hta bung li ang ai ni gaw Tingnyang Up: Shadang Maru Christopher Brang Seng rai nna Hkumtsup Kyu Hpyi gaw Sara Num Lapyaw Dau Nyoi ni re ai lam chye lu ai.
Ndai bat (6) ya shana 8:00 kawn 9:30 du hkra Choir shaman ai hte kyu hpyi ai lamang nga ai hku re. Hkring Dat gaw Bethesda Chapel (Level 3), 27 Lorong Melayu, Singapore 416913 kaw re. Singapore kaw nga ai ni yawng a lu sha sa du shang lawm na matu a ja a wa saw shaga dat ai.
Prat Dep Ai Jinghpaw Wunpawng Mungdan De......
Chye ju dum let
T2
