Ta Tut
Kachin Road Blog
5/8/2008
UN kaw na Myen Mungdan hte seng ai Human Rights dat kasa nnan wa gaw ndai bat langai ya shani Myen Bukda hpung kyi ni hte hkrum lai wa ai lam chye lu ai hku re. Ndai UN a Human Rights dat kasa nnan wa gaw lai wa sai May shata kawn Myen Mung hte seng ai dat kasa bung li ang wa ai rai nna ndai kalang na Myen Mung de sa ai gaw number langai lang re ai hku re.
UN Human Rights dat kasa, Tomas Ojea Quintana, wa Myen Bukda hpung kyi ni hte hkrum ai lam gaw laiwa sai shaning na Hpung kyi ni ngun madun let Asuya hpe ning hkap lai wa ai shaloi Asuya kawn sinat gap, a dup gayet let masha shabra lai wa ai lam ni hte seng na re lam mung sawm tak nga ma ai hku re. Rai tim ndai Quintana wa hte hkrum ai hpung kyi ni gaw dai n gun madun poi hta shang lawm wa ai hpung kyi ni rai n rai gaw n chye tsun ai hku re.
Ya na ndai dat kasa nnan wa a shara e shawng de bung li mu gun lai wa sai, Paulo Sergio Pinheiro wa a November shata na UN Human Rights Council Report hta gaw n gun madun poi hta Asuya ni masha shabra ai lam a majaw masha n law htum 31 si mat nna 74 gaw mat mat ai nga tsun da ai hpe mu lu ai hku re. Dai Report hta sha 1,850 daram nga ai mung masa lam galaw ai ni hpe mung Asuya kawn lawan ladan rim kau ai majaw ya ten htawng kata rawng nga ai lam mung lawm ai hku re.
Hpung kyi ni rau hkrum ngut ai hpang bat langai ya shana de gaw Quintana wa gaw Nargis laru hkaye mawan hpung ni rau hkrum zup lai wa sai hku re.Ndai hpung ni hta Myen mung myu sha ni a Nargis laru hkye mawan hpung, Maigan mungdan ni kawn du sa ai hpung, hte Asuya kawn hpaw da ai hpung ni rau hkrum zup lai wa sai hku re.
Dat kasa wa gaw ndai bat masum sha shani Nargis laru hta masha 138,000 si nna masha law law wa mat mat ai shara rai nga ai Irrawaddy Delta de sa yu gawan na masing mung nga ai lam chye lu ai hku re.
Masum ya shani na hkrum lam ngut ai hte Mung masa parties ni, Rudi myu sha shanglawt hpung ni hte Myen Asuya magam gun in rau hkrum zup let shada jahta let Mungdan a mang hkang hpe simsa ai hku hparan na matu n gun dat mat wa na re lam chye lu ai hku re.
Source:: AFP
Kachin Road Blog
5/8/2008
UN kaw na Myen Mungdan hte seng ai Human Rights dat kasa nnan wa gaw ndai bat langai ya shani Myen Bukda hpung kyi ni hte hkrum lai wa ai lam chye lu ai hku re. Ndai UN a Human Rights dat kasa nnan wa gaw lai wa sai May shata kawn Myen Mung hte seng ai dat kasa bung li ang wa ai rai nna ndai kalang na Myen Mung de sa ai gaw number langai lang re ai hku re.
UN Human Rights dat kasa, Tomas Ojea Quintana, wa Myen Bukda hpung kyi ni hte hkrum ai lam gaw laiwa sai shaning na Hpung kyi ni ngun madun let Asuya hpe ning hkap lai wa ai shaloi Asuya kawn sinat gap, a dup gayet let masha shabra lai wa ai lam ni hte seng na re lam mung sawm tak nga ma ai hku re. Rai tim ndai Quintana wa hte hkrum ai hpung kyi ni gaw dai n gun madun poi hta shang lawm wa ai hpung kyi ni rai n rai gaw n chye tsun ai hku re.
Ya na ndai dat kasa nnan wa a shara e shawng de bung li mu gun lai wa sai, Paulo Sergio Pinheiro wa a November shata na UN Human Rights Council Report hta gaw n gun madun poi hta Asuya ni masha shabra ai lam a majaw masha n law htum 31 si mat nna 74 gaw mat mat ai nga tsun da ai hpe mu lu ai hku re. Dai Report hta sha 1,850 daram nga ai mung masa lam galaw ai ni hpe mung Asuya kawn lawan ladan rim kau ai majaw ya ten htawng kata rawng nga ai lam mung lawm ai hku re.
Hpung kyi ni rau hkrum ngut ai hpang bat langai ya shana de gaw Quintana wa gaw Nargis laru hkaye mawan hpung ni rau hkrum zup lai wa sai hku re.Ndai hpung ni hta Myen mung myu sha ni a Nargis laru hkye mawan hpung, Maigan mungdan ni kawn du sa ai hpung, hte Asuya kawn hpaw da ai hpung ni rau hkrum zup lai wa sai hku re.
Dat kasa wa gaw ndai bat masum sha shani Nargis laru hta masha 138,000 si nna masha law law wa mat mat ai shara rai nga ai Irrawaddy Delta de sa yu gawan na masing mung nga ai lam chye lu ai hku re.
Masum ya shani na hkrum lam ngut ai hte Mung masa parties ni, Rudi myu sha shanglawt hpung ni hte Myen Asuya magam gun in rau hkrum zup let shada jahta let Mungdan a mang hkang hpe simsa ai hku hparan na matu n gun dat mat wa na re lam chye lu ai hku re.
Source:: AFP
