Ta Tut
Kachin Road Group
4/9/2008
Lai wa sai shata e Jinghpaw Mungdaw a Mungdaw Up ning nan rai nga ai Soe Win wa an-hte Jinghpaw Wunpawng Mungdan Shanglawt Asuya up hkang gin ra rai nga ai LaiZa Muklum de sa du gaawan ai ten hta Myitkyina na Myen hkam ja dap kawn na ni mung sa lawm let sa du gawan ai lam chye lu ai.
Dai shaloi Shanglawt Hkam ja dap Laiza ni hpe tsi mawan ni garam da ai lam chye lu ai. Rai tim dai garum da ai tsi mawan ni wa a ten lai wa sai tsi ni hkrai rai taw ai hpe Wunpawng Mungdan Shanglawt Num Hpung (KWA) kawn chye lu ai. Ndai zawn galaw ai gaw hpa baw ngu ai ga kun ngu ai hpe gaw rai n chye shi ai hku re.
Ding sang wa kun shing n rai shut mat ai kun? Shut mat ai lam ga nau n maibin na re ngu kam ai. Hpa majaw nga yang tsi mawan law law sa jaw ai hta yawng ngu na daram gaw a ten lai wa sai hkrai rai nga ai. Ndai lam ni hpe bai sa tsun na matu Laiza hkam ja dap na Doctor ni bawng ban nga ma ai lam chye lu ai.
Drop Your Opinions Here !
Kachin Bloggers Help Desk
Hpa majaw Shanglawt
Asuya galaw ai ni kawn Pang Lung ga sadi hpe hkan shatup ai lam n nga ai. Ru di amyu sha ni a ntsa mung masa hku dip sha ai. Sut masa hku, laba kaup ai. Dai hpe n kam hkam, n ra sharawng ai majaw, anhte Wun Pawng Amyu sha ni sha n rai, Mung Hpawm kat, nga ai kaga rudi amyu sha ni yawn mung, Paliman kaw simsa ai ladat hte, ahkaw ahkang hpyi yu sai. Rai tim mung, hpyen dap kaba hpe kam ai Asuya ning baw ni gaw, rudi amyu sha ni, hpyi shawn ai hpe tsep kawp n hkap la ya ai sha n ga mai gan masha ni a sumprat lawm ai ngu rim rawng a hkyak la wa ma ai. Dai majaw, rudi amyu sha ni yawng, laknak lang rawt malan mat wa ai re.
(KIC Ningbaw Malai I, Lat Du Daju Jum Nban La Awng, Tau Dap Up Daju Wunpawng Mungdan Shawnglawt Hpyen Dap, a 47th lang na rawt malan poi Mungga kawn la ai.)
